Die Fenstergucker: Scheinehe
von de Ginder (copyright)
Sie: Da gugg nur, die Beheim wird immer dürrer. Die soll jetzt die rischdisch Diät gefunne ham
Er: Was dann für ä Diät?
Sie: Mannsbilder
Er: Hä?
Sie: Ei, die soll doch jetzt endlisch än rischdische Kerl hawwe
Er: Die?
Sie: Die ganz Stadt wunnert sisch, awwer die hat tatsächlisch aan gefunne
Er: Ei, wen hat die dann gefunne?
Sie: Irschend so än Südländer
Er: Womöchlisch noch än Terk?
Sie: Kaa Ahnung, awwer die Ausländer nemme doch jed deutsch Fraa
Er: Die weiß Haut blend die
Sie: Oder’s Bleiwwerescht, wenn se so aa heirade
Er: Do däd isch liewwer nach Anatolien zurückgehe, als so aa zu heirade
Sie: Was waast du dann, vielleischt iss des des große Glück
Er: Des glaab isch awwer ned du, isch hab da Dinger gehört von dereje
Sie: Ei was dann für Dinger?
Er: Die soll ned ganz rischdisch im Kopp seu
Sie: Wie maanst’n des?
Er: Ei, die war doch in de Psychatrie in Goddelau
Sie: Ei wieso dann des?
Er: Erst hat die Verfolschungswahn gehabt und dann Depressione
Sie: Des glaab isch awwer ned, du
Er: Doch doch. Erst hat se sich von Männern belästischt gefühlt und dann hat se Depressione gekrischt, weil se kaaner genomme hat
Sie: Des iss awwer orsch widersprüchlisch
Er: Ewwe, deshalb iss die wahrscheinlisch aach eugeliefert worn
Sie: Gugg, do hinne kimmt de Basler
Er: Hammer awwer lang ned gesehe
Sie: Der war ja aach in Thailand
Er: Wo der üwwerall ärumkimmt
Sie: Der hat sich do ä Frau ausgesucht
Er: Ausgesucht?
Sie: Ei, die wolle doch all nach Deutschland, do nemme die jeden, der ä Audo hat
Er: Sinn die Weiwer dort so doof, daß die mit so aam wie äm Basler nach Deutschland gehe?
Sie: Sieht so aus
Er: Mit Geld kann mer halt werklisch alles kaafe
Sie: Un später wird de Kerl umgetauscht
Er: Dann sinn die vielleischt gar ned so dumm, wie se aussehe
Basler: Guten Morgen
Sie: En wunnerscheene
Er: Morsche
Basler: Habt ihr die Beheim ewwe gesehe?
Sie: Na klar
Basler: Die hat ganz schee abgenomme
Sie: Kaa Wunner, die hat ja jetzt aach än Mann
Basler: Hab isch gehört. Des soll ja än Pizzabäcker seu
Sie: Än Itaker?
Basler: Ei sischer
Sie: Hat die den uff de Awweit kennegelernt?
Basler: Isch glaab kaum, daß mer als Krankeschwester in de Psychatrie pizzabackende Pizzabäcker kenne lernt
Er: Maa ä anner Fraach. Wann sieht mer sie dann ma mit ihrne neu Fraa? Basl
Basler: Was für ä Fraa?
Er: Na, die se aus Thailand mitgebracht hawwe
Basler: See isch so aus, als däd isch mer was an de Hals binne?
Er: Dann war des wohl än falsche Fehler, awwer in Thailand war’n se doch, oder?
Basler: ‘S war wunnerschee dort, isch glaab do fahr isch noch mo hie, awwer jetzt muß isch weider
Er: Na dann nix für ungut
Er: Scheene Taach noch
Er: Gleischfalls
Sie: Wünsch isch aach
Er: Wer hat derr dann den Scheiss erzählt, daß sich der do ä Fraa ausgesucht hätt in Thailand, isch blamier ja hier die ganz Innung?
Sie: Ei die Roth, des alde Plappermaul
Er: Die Roth, kaa Wunner. Wenn de se wiedersiehst, seeschsde maa än scheene Gruß, sie soll ned so än Mist erzähle
Sie: Der erzähl isch was. Awwer kannst du mer saache, warum es dem so gut in Thailand gefalle hat?
Er: Kann isch derr saache
Sie: Un?
Er: Do kannste deune Triebe für ä paar Pfennisch nachgehe
Sie: Du maanst, der iss weesche de Weiwwer do hin?
Er: Ei, weswesche fährt mer dann dann do hie?
Sie: Die treiwwe es do ja aach mit Minnerjährische
Er: So Kerle gehörn eugesperrt
Sie: In die Psychatrie gehöre die!
Er: Genau dohie, wo die Beheim aach iss
Sie: Pizzabäcker, das isch ned lach
Er: Luitschi, uff so Name stehe mansche Weiwwer
Sie: Irschend aaner hat maa erzählt, daß die Spaghettifresser flotte Liebhaber sinn und schon fange die Weiwwer aa zu fliesche uff so Kerle
Er: Als ded es kaa Deutsche Männer mer gewwe
Sie: Komm, Vera kimmt gleisch im Fernseh
Er: Un wie haasd’n des Thema heut?
Sie: Schwanger vom Urlaubsflirt
Er: Was isch immer saach, ‘s iss gefährlisch in so exotische Länder
Sie: Saugefährlisch